19 აგვისტო 2014

ruflag

ილია მეორე ერს ქართული ენის დაცვისკენ კიდევ ერთხელ მოუწოდებს

E-mail Print

patriarqi-55საქართველოს კათოლიკოს-პატრიარქი, უწმინდესი და უნეტარესი ილია მეორე სხვადასხვა დაწესებულებების აფიშებზე სამივე დამწერლობის - ასომთავრულის, ნუსხა-ხუცურისა და მხედრულის შემოღების ინიციატივით გამოდის. ქართული ენის მნიშვნელობაზე უწმინდესმა გუშინ, საკვირაო ქადაგების დასრულებისას, ისაუბრა და ქართველ ერს ქართული ენის დაცვისკენ კიდევ ერთხელ მოუწოდა.

„მიმაჩნია, რომ მაღაზიის ან რომელიმე დაწესებულების წარწერა სამივე ანბანით - ასომთავრულით, ნუსხა-ხუცურითა და მხედრულით უნდა იყოს, რათა ახალმა თაობამ და ჩვენმა ახალგაზრდობამ სამივე დამწერლობა იცოდეს. სწორედ ამიტომ მივმართავ ყველა დაწესებულების მფლობელს ან ბიზნესმენს, აფიშა სამივე დამწერლობით დაწეროს“, - ბრძანა უწმინდესმა. „ქართულმა ენამ გადაარჩინა ჩვენი ერი და ჩვენი ენა და სარწმუნოება გადაარჩენს ჩვენს სამშობლოს... ჩვენ უნდა შევინახოთ ჩვენი ფასეულობები, უპირველეს ყოვლისა, ეს არის მართლმადიდებლური სარწმუნოება, ქართული ენა, კულტურა, ლიტერატურა და პოეზია. ქართული ენა უძველესი, უტკბილესი, განსაკუთრებული მადლით მოცული ენაა და იგი განსაკუთრებით მდიდარია ფილოსოფიური ტერმინებით. უკანასკნელ ჟამს კაცობრიობა სარწმუნოებას დაკარგავს, ცოდვაში ჩაეფლობა. ქართველი ადამიანი კი, თავის სარწმუნოებას შეინახავს და სწორედ ამის გამო განკითხვა ქართული ენით მოხდება“, - ბრძანა უწმინდესმა.

.

This content has been locked. You can no longer post any comment.