აქტუალური
ცხინვალს ახალი პრემიერ-მინისტრი ჰყავს
თბილისი, 27 აპრილი, საქინფორმი. სამხრეთ ოსეთის მთავრობის თავმჯდომარის მოვალეობის შემსრულებლად როსტიკ ხუგაევი დაინიშნა ვადიმ ბროვცევის ნაცვლად. ამას იტყობინება ადგილობრივი საინფორმაციო სააგენტო „რესი“.
ზნაურის რაიონში დაბადებული 60 წლის როსტიკ ხუგაევი სამშენებლო სფეროს წარმომადგენელია, რომელიც, ძირითადად, რუსეთში მუშაობდა და ბოლო დრომდე სამშენებლო კომპანიების ჯგუფი „ამონდის“ იურიდიულ პირთა ასოციაციის პრეზიდენტი იყო. მას პოლიტიკურ თანამდებობაზე არასდროს უმუშავია, თუმცა ხელმძღვანელობდა სამარის ოლქში მოქმედ ოსურ ნაციონალურ-კულტურულ ცენტრ „ალანიას “.
მისი წინამორბედი ვადიმ ბროვცევი, რომელიც ცხინვალის რეგიონის მკვიდრი არ იყო და რუსეთმა იქ მთავრობის ხელმძღვანელის რანგში 2009 წლის გაზაფხულზე გააგზავნა, ბოლო ოთხი თვის განმავლობაში პრეზიდენტის მოვალეობასაც ასრულებდა თიბილოვის არჩევამდე.
