პოლიტიკა
აშშ-ის შიდა უსაფრთხოების მდივნის მოადგილე თბილისში
თბილისი, 26 აპრილი, საქინფორმი. აშშ-ის შიდა უსაფრთხოების მდივნის მოადგილე ჯეინ ჰოლ ლუტი საქართველოში შეხვედრებს მართავს.
როგორც საქართველოში აშშ-ის საელჩოდან იტყობინებიან, ის სხვადასხვა სფეროში აშშ-ისა და საქართველოს თანამშრომლობის საკითხებს განიხილავს. შიდა უსაფრთხოების მდივნის მოადგილის თბილისში ვიზიტი იმ ათდღიანი მოგზაურობის ნაწილია, რომელიც ტუნისს, ინდოეთს, იაპონიასა და ლუქსემბურგს მოიცავს. 
