სამართალი
„თავისუფალი საქართველო“ სააკაშვილისთვის ნარკოლოგიური შემოწმებს მოითხოვს
თბილისი, 23 აპრილი, საქინფორმი. როგორც „თავისუფალი საქართველოს“ პრესსამსახური საქინფორმს აცნობებს, "არსებობს საფუძვლიანი ეჭვები, რომ 20 აპრილს მახათას მთაზე ივერიის ღვთისმშობლის ტაძრის საფუძვლის ჩაყრის ღონისძიებაზე მისული მიხეილ სააკაშვილი არაფხიზელ მდგომარეობაში იმყოფებოდა. ამის ამსახველი კადრები გავრცელდა მედიის საშუალებებით, სადაც ქვეყნის პრეზიდენტი არაადეკვატურად იქცევა და საუბრობს.
პარტია „თავისუფალი საქართველო“ მიიჩნევს, რომ ამგვარი ეჭვების არსებობა ქვეყნის პირველ პირზე დამღუპველია საქართველოს საერთაშორისო იმიჯისთვის. პარტია აუცილებელ საჭიროებად მიიჩნევს მიხეილ სააკაშვილისთვის ნარკოლოგიური შემოწმების ჩატარებას, რომელიც უნდა განახორციელონ ევროპიდან მოწვეულმა ექსპერტებმა, რათა გამოირიცხოს ყოველგვარი ეჭვი ექსპერტიზის მიკერძოებულობაზე.
პარტიას მიაჩნია, რომ აუცილებელია საქართველოში აკრედიტებულმა პარტნიორი ქვეყნების დიპლომატებმა აცნობონ ამ ეჭვების შესახებ საკუთარ ხელისუფლებებს, ვინაიდან ნარკოტიკების მომხმარებელი პრეზიდენტი ვერ იქნება საიმედო პარტნიორი დემოკრატიული სამყაროსთვის."
