სამართალი
გია ყრუაშვილი: „ხარაგაულის რაიონში 9 აპრილის მემორიალი ნაგავსაყრელად იქცა“
თბილისი, 10 აპრილი, საქინფორმი. როგორც პარტია „თავისუფალი საქართველოს“ რეგიონული სამსახურის უფროსი გია ყრუაშვილი საქინფორმს ატყობინებს, მას და ხარაგაულის რაიონული ორგანიზაციის წევრებს, ხარაგაულში 9 აპრილის მემორიალთან 23 წლის წინათ ამ დღეს დაღუპული გმირებისათვის პატივის მისაგებად მისულთ, მემორიალის გარშემო ნაგავსაყრელი დახვდათ.
„ეს ვითარება ცხადყოფს, რომ საქართველოს ამჟამინდელი ხელისუფლება პატივს არ სცემს იმ ადამიანების ხსოვნას, რომლებმაც საქართველოს დამოუკიდებლობისა და სახელმწიფოებრიობისთვის თავი გაწირეს“, – ნათქვამია ყრუაშვილის განცხადებაში.
პარტია „თავისუფალი საქართველო“ მოუწოდებს დაბა ხარაგაულის ადგილობრივ ხელისუფლებას, დაუყოვნებლივ დაასუფთაოს 9 აპრილის მემორიალის მიმდებარე ტერიტორია და პატივი სცეს ქართველი ხალხის სიწმინდეებს.
