აქტუალური
საზღვარზე ტვირთბრუნვის მონიტორინგის კომპანია ჯერ არ შერჩეულა
თბილისი, 27 მარტი, საქინფორმი. საგარეო საქმეთა მინისტრის მოადგილე ნინო კალანდაძის განცხადებით, ამ დროისთვის კვლავ არ არის ცნობილი, ფსოუს, როკისა და ლარსის სასაზღვრო-გამშვებ პუნქტებზე ტვირთების მონიტორინგს რომელი კომპანია განახორციელებს. ამის შესახებ განცხადება ნინო კალანდაძემ ტრადიციულ ბრიფინგზე გააკეთა.
კალანდაძის თქმით, აღნიშნულ საკითხს საგარეო საქმეთა მინისტრის მოადგილე სერგი კაპანაძე ჟენევის მოლაპარაკებათა მომდევნო რაუნდზე დააყენებს.
შეგახსენებთ, რომ საქართველოსა და რუსეთს შორის მიღწეული შეთანხმების შედეგად რუსეთ-საქართველოს საზღვარზე ტვირთბრუნვის მონიტორინგს კერძო შვეიცარიულმა კომპანიამ უნდა განახორციელოს.
