თბილისი, 23 მარტი, საქინფორმი. მსოფლიო ბანკმა და საქართველოს ფინანსთა სამინისტრომ საქართველოს მთავრობის სახელით ხუთშაბათს, 22 მარტს ხელი მოაწერეს შეთანხმებას შიდასახელმწიფო და ადგილობრივი გზების მეორე პროექტის დაფინანსების შესახებ.

საქართველოს მხრიდან ხელშეკრულებას ხელი მოაწერა ფინანსთა მინისტრმა დიმიტრი გვინდაძემ, ხოლო მსოფლიო ბანკის მხრიდან - სამხრეთ კავკასიის რეგიონულმა დირექტორმა ასად ალამიმ. ცერემონიაში მონაწილეობდა რეგიონული განვითარებისა და ინფრასტრუქტურის მინისტრი რამაზ ნიკოლაიშვილი.

პროექტის ფარგლებში საქართველო 70 მილიონ დოლარს მიიღებს.