თბილისი, 22 მარტი, საქინფორმი. საქართველოს პრეზიდენტი მიხეილ სააკაშვილი გერმანიაში მარშალის ფონდის მიერ ორგანიზებულ ყოველწლიურ კონფერენციას ესწრება.

პრეზიდენტის ოფიციალური ვებგვერდის ინფორმაციით, „German Marshall Fund of the US“-ის  მიერ ორგანიზებული ყოველწლიური კონფერენცია სახელწოდებით „საქართველოს მომავლის კვალდაკვალ“ წელს საქართველოს ევროატლანტიკურ ინტეგრაციასა და დემოკრატიული ინსტიტუტების განვითარებას ეძღვნება.

კონფერენციის მონაწილეები განიხილავენ საკითხებს, რომლებიც ამ პროცესში საქართველოს მხარდაჭერასა და დახმარებას ითვალისწინებს. იმსჯელებენ კავკასიის რეგიონის უსაფრთხოების ასპექტებზეც.

ფორუმს, რომელიც მიუნხენის მახლობლად იმართება, სხვადასხვა ქვეყნის საგარეო საქმეთა მინისტრები, პოლიტოლოგები და პარლამენტის წევრები ესწრებიან.

საქართველოს პრეზიდენტთან ერთად ელმაუში პარლამენტის თავმჯდომარე დავით ბაქრაძე იმყოფება.