აქტუალური
მესაზღვრებმა რუსული გემი და რუსეთის ათი მოქალაქე დააკავეს
თბილისი, 19 მარტი, საქინფორმი. საქართველოს შსს სასაზღვრო პოლიციის სანაპირო დაცვის ოპერაციების მართვის მთავარი სამმართველოს II სამმართველოს (ბათუმი) თანამშრომლებმა ნაოსნობის წესების დარღვევის ფაქტზე სარფის საზღვაო რაიონში რუსეთის ფედერაციის დროშით მცურავი მშრალტვირთმზიდი „PUR-NAVOLOK“ დააკავეს. გემის ეკიპაჟი 10 წევრისგან შედგება, ყველა რუსეთის ფედერაციის მოქალაქეა.
აღნიშნული გემის კაპიტნის, რუსეთის ფედერაციის მოქალაქე იური დანილოვის მიმართ მიმდინარეობს წინასწარი გამოძიება. 
