სამართალი
თბილისი, 9 მარტი, საქინფორმი. როგორც „თავისუფალი საქართველოს“ პრესსამსახური საქინფორმს ატყობინებს, საქართველოში მოქმედმა ოპოზიციურმა პოლიტიკურმა პარტიებმა ერთობლივ დეკლარაციას მოაწერეს ხელი და მიმართეს ნატოს სარდლობას, რომლის ტექსტსაც უცვლელად გთავაზობთ:
დღეს საქართველოს სახელმწიფო ტერიტორიული მთლიანობა დარღვეულია და ჩვენს უმთავრეს მიზანს მისი აღდგენა წარმოადგენს. ამდენად, ქართული ჯარის ძალისხმევა, საჭიროების შემთხვევაში, აქეთკენ უნდა იყოს მიმართული.
რადგანაც სააკაშვილის ხელისუფლების გადაწყვეტილებაა, ავღანეთის მისიაში ნატოს არაწევრ სახელმწიფოთა შორის ყველაზე დიდი შემადგენლობით იყოს წარმოდგენილი, ქართული საჯარისო ნაწილები განპირობებულია პირადი მოტივებით და ემსახურება უკანონოდ ძალაუფლების შენარჩუნებას.
საქართველოში მოქმედი პასუხისმგებლობით აღჭურვილი ოპოზიციური პოლიტიკური პარტიები ვთანმხდებით ამ ოპერაციაში ჩვენი სამხედროების მონაწილეობის შეწყვეტის აუცილებლობაზე და წარმოგიდგენთ განსახილველად ერთობლივი თანხმობის დეკლარაციას, რათა უშუალოდ ნატოს სარდლობის მიერ იქნეს ეს გადაწყვეტილება მიღებული“.