აქტუალური
ვიქტორია ნულანდი: „საქართველოსთან მიმართებაში ჩვენი პოზიცია უცვლელია!“
თბილისი, 7 მარტი, საქინფორმი. ამერიკის შეერთებული შტატების სახელმწიფო დეპარტამენტის პრესსპიკერ ვიქტორია ნულანდის განცხადებით, რუსეთის საპრეზიდენტო არჩევნები საქართველოს სუვერენიტეტსა და ტერიტორიულ მთლიანობასთან დაკავშირებით ვაშინგტონის პოზიციას ვერ შეცვლის.
„საქართველოს სუვერენიტეტსა და ტერიტორიულ მთლიანობასთან მიმართებაში ჩვენი პოზიცია უცვლელია. რუსეთის ფედერაციასთან საუბარში, როდესაც ჩვენ ამ საკითხებს დავაყენებთ, ეს აბსოლუტურად ნათელი იქნება. არ ვფიქრობ, რომ ეს არჩევნები ამას რამენაირად შეცვლის“, – განაცხადა ნულანდმა ვაშინგტონში გამართულ ტრადიციულ ბრიფინგზე ერთ-ერთი ჟურნალისტის კითხვის საპასუხოდ.
