თბილისი, 9 თებერვალი, საქინფორმი. როგორც საქინფორმს პარტია  „თავისუფალი   საქართველოს“ პრესსამსახურიდან აცნობეს, პარტია დადებით მოვლენად მიიჩნევს საქართველოს ხელისუფლების უკანდახევას რუსეთის  ბაზარზე ქართული  პროდუქციის  შეტანის პრობლემის მოხსნასთან დაკავშირებით,  რაც, პარტიის გენერალური მდივნის –  ალექსანდრე შალამბერიძის, თქმით, გაცხადდა საქართველოს საგარეო  საქმეთა სამინისტროს ოფიციალურ   განცხადებაში: „თუ ქართული პროდუქცია შევიდა  რუსულ ბაზარზე და ქართულმა  ბიზნესმა იქ განაახლა საქმიანობა, ჩვენ, ერთადერთი, რისი თქმაც შეგვიძლია, მათ წარმატებას   ვუსურვებთ“ (ნიკოლოზ ვაშაკიძე, მინისტრის მოადგილე, 06. 02. 12).