აქტუალური
ზუგდიდის საახალწლო ხარჯები
ზუგდიდი, 11 იანვარი, საქინფორმი. ზუგდიდში საახალწლო ღონისძიებების დაფინანსება ჯერ არ დასრულებულა. ხვალ, ზუგდიდის გამგეობის ინიციატივით, საახალწლო შოუ გაიმართება, რომელიც დახურული იქნება – შოუს მხოლოდ წარმატებული და ცნობილი ზუგდიდელები დაესწრებიან.
გამგეობამ ღონისძიების ჩასატარებლად 20 ათასი ლარი გამოყო. ტენდერი ამ საკითხზე უკვე გამოცხადებულია, თუმცა გამარჯვებული ცნობილი ამ დრომდე არ არის.
ზუგდიდში საახალწლო ღონისძიებებისთვის დახარჯული თანხები, დაახლოებით, 200 ათას ლარს შეადგენს. აქედან ახალი განათებების შესაძენად 100 ათასი ლარი დაიხარჯა, ხოლო 3 იანვარს გამართული საახალწლო კონცერტისთვის – 70 ათასი ლარი.
