პოლიტიკა
ივანიშვილი–ალასანია–უსუფაშვილი – ახალი კოალიცია ოპოზიციურ ასპარეზზე
თბილისი, 14 დეკემბერი, საქინფორმი. როგორც საქინფორმს საზოგადოებრივი მოძრაობა „ქართული ოცნების“ გამგეობის თავმჯდომარის, ბიზნესმენ ბიძინა ივანიშვილის პრესსამდივნოდან აცნობეს, „ბიძინა ივანიშვილი, „თავისუფალი დემოკრატების“ ლიდერი ირაკლი ალასანია და “რესპუბლიკური პარტიის” თავმჯდომარე დავით უსუფაშვილი შეთანხმდნენ, რომ სამი პოლიტიკური სუბიექტისგან შემდგარი კოალიცია შეიქმნება მას შემდეგ, რაც ბიძინა ივანიშვილის პოლიტიკური პარტიის ფორმირების პროცესი დასრულდება“.
„საპარლამენტო არჩევნებისთვის კოალიციის სუბიექტები, სავარაუდოდ, სხვა პოლიტიკურ ჯგუფებთან ერთად, შექმნიან საარჩევნო ბლოკს. შესაბამისად, შეთანხმება ითვალისწინებს ერთობლივი პოლიტიკური საქმიანობის შესახებ კონსულტაციების გაგრძელებას სხვა პოლიტიკურ და საზოგადო მოღვაწეებთან“, – ნათქვამია პრესსამდივნოს განცხადებაში.
იმავე ინფორმაციით, „უკვე შედგა შეთანხმება „კონსერვატიული პარტიის“ თავმჯდომარე ზვიად ძიძიგურთან და „ხალხის პარტიის“ თავმჯდომარე კობა დავითაშვილთან, რომლებიც მათი პოლიტიკური გუნდის წევრებთან ერთად, პიროვნულად მიიღებენ მონაწილეობას კოალიციისა და საარჩევნო ბლოკის სტრუქტურების საქმიანობასა და მართვაში.
