სამართალი
მიწის ძველი გადასახადის გადაუხდელობის გამო პენსიონერს პენსიას აღარ აძლევენ

pensia-gadasaxadiდედოფლისწყარო, 22 ნოემბერი, საქინფორმი. დედოფლისწყაროს რაიონის სოფელ ზემო ქედში მცხოვრები, საწოლს მიჯაჭვული 80 წლის არჩილ პავლიაშვილი, პენსიას ვეღარ იღებს. როგორც კახეთის საინფორმაციო ცენტრს მისმა მეუღლემ ნინა პავლიაშვილმა განუცხადა, ბანკში უთხრეს, რომ 1999-2000 წლებში მიწის გადასახადი არ აქვთ გადახდილი და პენსიას ამიტომ ვერ იღებს.

„ერთი თვის პენსია 5 თვის წინაც წაგვართვეს, არ მოგვცეს. ჩემი მეუღლე ავადმყოფია, ვეღარ დადის და საწოლს არის მიჯაჭვული. მეც ავად ვარ. ჩვენი ერთადერთი შემოსავალი პენსიაა და იმასაც აღარ გვაძლევენ“, – აღნიშნა ნინა პავლიაშვილმა.

კახეთის საინფორმაციო ცენტრმა სოციალური მომსახურების სააგენტოს დედოფლისწყაროს განყოფილებაში არჩილ პავლიაშვილისთვის პენსიის დაკავების მიზეზი ვერ გაარკვია.