აქტუალური
სააკაშვილისთვის პარლამენტზე დამოკიდებული პრემიერის პოსტი უინტერესოა

euractiveთბილისი, 10 ნოემბერი, საქინფორმი. როგორც საქართველოს პრეზიდენტმა მიხეილ სააკაშვილმა „EurActiv-ის პოლონეთის ბიუროსთვის მიცემულ ინტერვიუში ჟურნალისტის მიერ დასმული შეკითხვის – აპირებს თუ არა საპრეზიდენტო ვადის ამოწურვის შემდეგ პრემიერ-მინისტრის პოსტის დაკავებას – პასუხად განაცხადა, „ეს არცთუ საინტერესო პოზიციაა იმ ადამიანისთვის, რომელიც დღეს პრეზიდენტია“.

„ახალი კონსტიტუციის თანახმად, პრეზიდენტი მნიშვნელოვან ძალაუფლებას ინარჩუნებს და პრემიერ-მინისტრიც მნიშვნელოვანია, მაგრამ მთლიანად პარლამენტზეა დამოკიდებული. არცთუ საინტერესო პოზიციაა იმ ადამიანისთვის, რომელიც დღეს პრეზიდენტია“, – აცხადებს სააკაშვილი.

სააკაშვილის ინტერვიუს ქართული ვარიანტი „foreignpress.ge“-მ გამოაქვეყნა.