ზუგდიდი, 31 ოქტომბერი, საქინფორმი. ზუგდიდის  41-მანდატიან საკრებულოს 1 წევრი გამოაკლდა. საკრებულოს წევრი, სოფელ ინგირის მაჟორიტარი დეპუტატი ალექსანდრე ბაჩილავა გულის შეტევით   გარდაიცვალა. ბაჩილავა „ერთიანი ნაციონალური მოძრაობის“ წევრი და ეკონომიკის, ინფრასტრუქტურის განვითარებისა და სივრცით ტერიტორიული დაგეგმარების საკითხთა კომისიის წევრი იყო.

საარჩევნო კოდექსის 126-ე მუხლის მეორე პუნქტის თანახმად, შუალედური არჩევნები საკრებულოს მაჟორიტარული წესით არჩეული მინიმუმ 5 წევრისთვის უფლებამოსილების შეწყვეტის შემთხვევაში დგება. ზუგდიდის საკრებულოში კი მსგავსი შემთხვევა არ არის.