თბილისი, 3 ოქტომბერი, საქინფორმი. მანჩესტერში პარტნიორი პარტიის ხელმძღვანელის სტატუსით მიწვეული „ქრისტიან-დემოკრატების“ ლიდერი გიორგი თარგამაძე დიდი ბრიტანეთის პრემიერ-მინისტრ დევიდ კემერონს შეხვდა. მათი შეხვედრა დიდი ბრიტანეთის კონსერვატიული პარტიის ყრილობის ფარგლებში გაიმართა.

„საუბარი შეეხო კემერონისა და რუსეთის პირველი პირების შეხვედრას, რომელზეც დიდი ბრიტანეთის პრემიერ-მინისტრმა საქართველოს მხარდაჭერა ღიად დააფიქსირა. კემერონმა აღნიშნა, რომ ეს არ არის ერთჯერადი შემთხვევა, არამედ ბრიტანეთის მკაფიო პოზიციაა, რომელსაც იგი არა მხოლოდ რუსეთთან ორმხრივი მოლაპარაკებისას, არამედ სხვადასხვა საერთაშორისო ფორმატშიც აფიქსირებს.

კემერონმა, ასევე, აღნიშნა, რომ ყურადღებით ადევნებს თვალს საქართველოში მიმდინარე პროცესებს და რომ დასავლეთი ერთმნიშვნელოვნადაა დაინტერესებული, ქვეყნის დემოკრატიულმა განვითარებამ შეუქცევადი ხასიათი მიიღოს“, – განაცხადა გიორგი თარგამაძემ.