აქტუალური
რუსულ-ქართული მოლაპარაკებების მორიგი რაუნდი 7 ოქტომბერს გაიმართება
თბილისი, 3 ოქტომბერი, საქინფორმი. როგორც საქართველოს საგარეო საქმეთა მინისტრის მოადგილე დავით ჯალაღანიამ დღეს გამართულ ტრადიციულ პრესკონფერენციაზე განმარტა, ჟენევაში გასამართ მოლაპარაკებებზე ქართულ დელეგაციას საქართველოს პრემიერ-მინისტრის მრჩეველი თამარ კოვზირიძე და საგარეო საქმეთა მინისტრის მოადგილე სერგი კაპანაძე უხელმძღვანელებენ.
„საქართველოს დელეგაციას მკაფიო და პრინციპული პოზიცია გააჩნია რუსეთის მსოფლიო სავაჭრო ორგანიზაციაში გაწევრების პირობებზე. ქართული მხარე არ ელის რუსეთის ხისტი პოზიციის რადიკალურ ცვლილებას, თუმცა დიალოგისთვის მზადყოფნა არსებობს“, – განაცხადა ჯალაღანიამ.
ამასთან, მინისტრის მოადგილის ინფორმაციით, „იმ შემთხვევაში, თუ კონკრეტული გადაწყვეტილებები ამ რაუნდზეც ვერ იქნა მიღებული, დიალოგი მომავალ წელს გაგრძელდება“.
