საქართველო, 4 სექტემბერი, საქინფორმი. პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე საქართველოში გაერო-ს მუდმივ კოორდინატორს, დიდიე ტღებიუკს შეხვდა:

„შეხვედრაზე მხარეებმა განიხილეს საქართველოსა და გაერო-ს შორის თანამშრომლობის მიმდინარე და სამომავლო პროექტები, რეგიონული უსაფრთხოების გამოწვევები და მდგრადი განვითარების მიზნების განხორციელების პროცესი. ნიკოლოზ სამხარაძემ მადლობა გადაუხადა გაერო-ს წარმომადგენელს ქვეყნის სუვერენიტეტისა და ტერიტორიული მთლიანობის ურყევი მხარდაჭერისთვის“, - აცხადებენ პარლამენტის პრესსამსახურში.