საზოგადოება
ვაშაძის ვიზიტი წყნარი ოკეანეთის ქვეყნებში
თბილისი, 28 სექტემბერი, საქინფორმი. დღეს წყნარი ოკეანეთის რეგიონის ქვეყნებში საქართველოს საგარეო საქმეთა მინისტრ გრიგოლ ვაშაძის პირველი ოფიციალური ვიზიტი დაიწყო. 6 ოქტომბრამდე შედგება მისი სამუშაო ვიზიტი ახალ ზელანდიაში, ფიჯის კუნძულების რესპუბლიკასა და ავსტრალიის თანამეგობრობაში. ვიზიტის მიზანია რეგიონის ქვეყნებთან ორმხრივი და მრავალმხრივი ურთიერთობების განვითარება.
ახალ ზელანდიაში ვიზიტის ფარგლებში დღეს ქალაქ ოკლენდში გაიმართება შეხვედრა ახალი ზელანდიის საგარეო საქმეთა და ვაჭრობის მინისტრ მიურეი მაქალისთან. ავსტრალიაში, ქალაქ კანბერაში, 6 ოქტომბერს გრიგოლ ვაშაძე საგარეო საქმეთა მინისტრ კევინ რადს შეხვდება, ხოლო ფიჯის დედაქალაქ სუვაში შედგება მინისტრის შეხვედრა ფიჯის კუნძულების რესპუბლიკის საგარეო საქმეთა და საერთაშორისო თანამშრომლობის მინისტრ ინოკე კუბუაბოლასა და ქვეყნის მთავრობის სხვა წარმომადგენლებთან.
