საქართველო, 30 სექტემბერი, საქინფორმი. „მშვიდობიანი რევოლუცია“, „მშვიდობიანი დამხობა“ – ეს ტერმინები ჩვენთვის გაურკვეველია. დღეს რადიკალური და ძალადობრივი სცენარის განვითარება დაუშვებელია. შესაბამისად, 4 ოქტომბრის აქციაზე არ ვიქნებით“, – განაცხადა პარტია „გახარია საქართველოსთვის“ ერთ-ერთმა ლიდერმა ტატა ხვედელიანმა.

მისი თქმით, 4 ოქტომბერი არჩევნების დღეა, როდესაც საქართველოს მოსახლეობა საარჩევნო ყუთებთან მივა ცვლილებებისთვის. „რევოლუციების პერიოდი დასრულდა. ჩვენს ხალხს სჭირდება სიმშვიდე და ნამდვილი მშვიდობა, არა ისეთი, როგორსაც მათ „ქართული ოცნება“ სთავაზობს“, – აღნიშნა ხვედელიანმა.

ასევე, მისი თქმით, ქვეყანაში არსებულ ვითარებაზე პასუხისმგებლობა ეკისრება ორ პარტიას – „ქართულ ოცნებას“ და „ნაციონალურ მოძრაობას“, რომლებიც ხელს უწყობენ რადიკალიზმის გაძლიერებას.