საქართველო, 23 სექტემბერი 2025, საქინფორმი. დანიის საგარეო საქმეთა მინისტრმა ლარს ლოკე რასმუსენმა გაერო-ს უშიშროების საბჭოს სხდომაზე განაცხადა, რომ რუსეთის მიზანია მეზობლების დაშინება და უკრაინის მხარდამჭერი ქვეყნების რწმენის动დასუსტება.

„რუსეთის მიერ ესტონეთის სუვერენიტეტისა და ტერიტორიული მთლიანობის ამ ბოლოდროინდელ დარღვევას ვგმობ. ესტონეთის მიმართ ჩვენი მხარდაჭერა კვლავ ურყევი რჩება.

„რუსეთის მეზობლებს, სრულიად საფუძვლიანად, ეშინიათ, რომ უკრაინის შემდეგ შეიძლება შემდეგი ისინი გახდნენ. რუსეთი ქვეყნების დაშინებას ისახავს მიზნად, რათა მათ უკრაინის მხარდაჭერა შეწყვიტონ და ასევე, ჩვენი სიმტკიცის გამოცდისთვის. რუსეთი თვლის, რომ დაუსჯელად მოქმედება შეუძლია უკრაინაში, ბალტიის ზღვაში, შავ ზღვაში, მთელ აღმოსავლეთ ევროპაში. ჩვენ მოქმედების ეს ტაქტიკა უკვე ვნახეთ საქართველოში შეჭრამდე, ყირიმის ანექსიამდე, დონბასში შეჭრამდე, უკრაინაში სრულმასშტაბიან შეჭრამდე“, - განაცხადა მან.