საქართველო, 17 სექტემბერი, საქინფორმი. საქართველოს პროკურატურამ ელენე ხოშტარიას სხვისი ნივთის განზრახ დაზიანების ბრალდება წარუდგინა.

“14 სექტემბერს ბრალდებულმა განზრახ დააზიანა თბილისში პარტია „ქართული ოცნება – დემოკრატიული საქართველოს“ შტაბზე განთავსებული სამი ბანერი, რამაც 570 ლარის ზიანი გამოიწვია. 15 სექტემბერს იგი დააკავეს და წარედგინა ბრალდება საქართველოს სისხლის სამართლის კოდექსის 187-ე მუხლის პირველი ნაწილით”, – ნათქვამია პროკურატურის განცხადებაში.

ეს მუხლი ერთიდან ხუთ წლამდე თავისუფლების აღკვეთას ითვალისწინებს. პროკურატურა სასამართლოს მიმართავს აღკვეთის ღონისძიების გამოყენების შუამდგომლობით.