საქართველო, 12 სექტემბერი, საინფორმი. საქართველოს ყოფილი პრეზიდენტი მიხეილ სააკაშვილი სოციალურ ქსელში წერს, რომ ლევან ხაბეიშვილის და მურთაზ ზოდელავას დაკავება რეჟიმის პანიკისა და უმწეობის გამოხატულებაა.

„დიქტატორმა ივანიშვილმა მუხანათურად დააკავა ოპოზიციის ნამდვილი ლიდერები – ლევან ხაბეიშვილი და მურთაზ ზოდელავა. ეს არის კრიმინალური რეჟიმის უკიდურესი პანიკის და უმწეობის გამოხატულება“, – წერს სააკაშვილი.

მისი თქმით, საჭიროა საყოველთაო მობილიზაცია და შეტევაზე გადასვლა: „ჩვენ გვჭირდება საყოველთაო მობილიზაცია და შეტევაზე გადასვლა. აუცილებლად გავიმარჯვებთ, დიდება საქართველოს!“.