რელიგია
ილია მეორე ცაგერსა და ლენტეხს ესტუმრება
თბილისი, 30 აგვისტო, საქინფორმი. სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი, უწმიდესი და უნეტარესი ილია მეორე ხვალ ორი დღით ცაგერისა და ლენტეხის ეპარქიას ესტუმრება.
1 სექტემბერს სრულიად საქართველოს კათოლიკოს-პატრიარქი ლენტეხში ჩაბრძანდება და წირვას აღავლენს, ლენტეხში ტაძრის ასაშენებლად ადგილს აკურთხებს, სადაც ჯვარს აღმართავენ.
ამასთან, ილია მეორე ლასურიაში მამათა მონასტერსაც ესტუმრება და მოილოცავს. უწმიდესის პატივსაცემად კონცერტი ლენტეხშიც იგეგმება.
