საქართველო, 29 ივლისი, საქინფორმი. უკრაინის ნავთობისა და გაზის სახელმწიფო კომპანიის ინფორმაციით, აზერბაიჯანული ბუნებრივი აირი უკრაინამ პირველად სატესტო რეჟიმში მიიღო ტრანსბალკანური დერეფნით, რუმინეთისა და ბულგარეთის გავლით.

„ნეფტოგაზმა“ ბუნებრივი აირის მიწოდების შესახებ კონტრაქტი „სოკარ ენერჯი უკრაინასთან“ გააფორმა.

ცნობისთვის, ივლისში უკრაინული მედია წერდა, რომ სატესტო რეჟიმში ტრანსბალკანური დერეფნით დღე-ღამეში 160 კუბური მეტრი ბუნებრივი აირის გადაზიდავა ხდება.

დღეს უკრაინა ბუნებრივ აირს უმეტესწილად უნგრეთიდან, პოლონეთიდან და სლოვაკეთიდან იღებს.