დღეს „ცოტნეობაა“. როგორც საქინფორმის კორესპონდენტი სამეგრელოს რეგიონში ზუგდიდიდან გვატყობინებს, აღნიშნული დღესასწაული ხობისთვის რელიგიურთან ერთად სახალხო დღესასწაულის ფუნქციასაც ატარებს. ღვთისმშობლის მიძინების სახელობის ტაძარში საზეიმო წირვა-ლოცვა ფოთისა და ხობის მიტროპოლიტმა, მეუფე გრიგოლმა უკვე აღავლინა. მისი ლოცვა-კურთხევით ღვთისმშობლის ხარების ტაძარში ჯვარს დღესვე აღმართავენ.

რელიგიურთან ერთად ხობში დღეს  „ცოტნეობასთან“ დაკავშირებით საერო ღონისძიებებიც გაიმართება, კერძოდ, კულტურის სახლის დარბაზში მხატვრული კომპოზიცია „ცოტნე, ანუ ქართველთა დაცემა და ამაღლება“ გაიმართება. ხობში დღესვე პოეტ ვაჟა ეგრისელის საიუბილეო საღამო შედგება.

ხობში უკვე ემზადებიან პატრიარქის სტუმრობისთვის.

ცნობილი გახდა, რომ საქართველოს კათოლიკოს-პატრიარქი ილია მეორე ხობს 17-18 სექტემბერს ეწვევა. პატრიარქი ხობში მეგრული სიმღერების საერთაშორისო ფესტივალს დაესწრება, სადაც მის მიერ  დაწერილი სიმღერა „სიმღერა სამეგრელოზე“ აჟღერდება.

საქინფორმი