საქართველო, 2 დეკემბერი, საქინფორმი. საქართველოში მოვლენები უკრაინული სცენარით ვითარდება. ეს პროგნოზი ქვეყნის მომავლის შესახებ რუსეთის უშიშროების საბჭოს თავმჯდომარის მოადგილემ დიმიტრი მედვედევმა საკუთარ "ტელეგრამის" არხზე გააკეთა.

„ყველა წინაპირობა არსებობს იმისათვის, რომ საქართველო კიდევ ერთხელ ჩავარდეს სამოქალაქო დაპირისპირების უფსკრულში, აიძულოს ის არჩევანი გააკეთოს ერთი მხრივ თავხედ ევროკავშირს, ნატოსა და პინდოსტანს შორის, ერთის მხრივ, და მეორე მხრივ, "Сакартвело"ს უძველეს მიწას შორის. მოკლედ, მეზობლები უკრაინის გზით სწრაფად მიდიან ბნელ უფსკრულში. როგორც წესი, ეს ძალიან ცუდად მთავრდება“, - წერს მედვედევი.

მედვედევმა იმას, რაც საქართველოში ხდება, მორიგი „ფერადი რევოლუციის“ განხორციელების მცდელობა უწოდა, რომლის დროსაც ადგილობრივი მაცხოვრებლების ნაწილი „ყვირის, ანადგურებს და ცეცხლს უკიდებს ირგვლივ ყველაფერს“, ზოგი კი დუმს.

„საქართველოს ვადაგადაცილებულმა „პრეზიდენტმა“, ზბიგნევ ბჟეზინსკის გულმოდგინე ფრანგმა სტუდენტმა - გიჟმა დეიდამ სალომე [ზურაბიშვილმა] განაცხადა, რომ ის ადგილს არ ათავისუფლებს, რადგან არჩევნებს არ ცნობს. ამისთვის მათ ლამპარის ბოძებზე კიდებდნენ“, - განაცხადა მედვედევმა.

მანამდე საქართველოს პრეზიდენტმა სალომე ზურაბიშვილმა მანდატის ამოწურვის მიუხედავად უარი თქვა გადადგომაზე, რადგან პარლამენტი, მისი აზრით, არალეგიტიმურია. განცხადება გაკეთდა ქვეყანაში მიმდინარე საპროტესტო აქციების ფონზე, რომლის მონაწილეები ეწინააღმდეგებიან საქართველოს მმართველი პარტიის გადაწყვეტილებას, დროებით შეაჩეროს რესპუბლიკის ევროკავშირში ინტეგრაციის პროცესი.