საქართველო, 2 ოქტომბერი, საქინფორმი. ევრაზიული კავშირის ქვეყნების ეკონომიკების ზრდის ტემპები საშუალო მსოფლიო ტემპებს აჭარბებს, განაცხადა რუსეთის პრემიერ-მინისტრმა მიხაილ მიშუსტინმა ერევანში, ევრაზიის ეკონომიკური ფორუმის პლენარულ სხდომაზე.

მისი თქმით, 10 წელზე მეტი ხნის განმავლობაში ევრაზიის ეკონომიკური კავშირი წარმატებულ ინტეგრაციულ პროექტად ჩამოყალიბდა და სულ უფრო ცნობადი ხდება საერთაშორისო ასპარეზზე.

მიშუსტინმა ასევე გაიხსენა რუსეთის პრეზიდენტ პუტინის სიტყვები, რომ EAEU-ს აქვს ყველა შანსი, გახდეს ერთ-ერთი ძლიერი და თვითკმარი ცენტრი მრავალპოლარულ სამყაროში.

აღსანიშნავია, რომ 2023 წლის ბოლოს EAEU-ს მთლიანი მშპ 3,7%-ით გაიზარდა. ყველაზე მაღალი ზრდის ტემპები დაფიქსირდა სომხეთსა და ყირგიზეთში. ხოლო მსოფლიოს მთლიანი შიდა პროდუქტის ზრდამ (ანუ საშუალო გლობალურმა ეკონომიკურმა ზრდამ) 3.2% შეადგინა.

sputnik-georgia.com