საქართველო, 16 აგვისტო, საქინფორმი. საქართველოს სტატისტიკის ეროვნული სამსახურის მიერ 15 აგვისტოს გამოქვეყნებული დაზუსტებული მონაცემებით, 2023 წელს პირდაპირი უცხოური ინვესტიციები 1.902.2 მლრდ აშშ დოლარი იყო, რაც 2022 წლის დაზუსტებულ მაჩვენებელზე 15.6%-ით ნაკლები და 2023 წლის წინასწარ მონაცემებზე 19.3%-ით მეტია. შემცირების გამომწვევ უმთავრეს მიზეზებს რეინვესტიციებში ცვლილება და სავალო ვალდებულებების შემცირება წარმოადგენს.

საქსტატის ცნობით, 2023 წელს რეინვესტიციის წილმა მთლიანი პირდაპირი უცხოური ინვესტიციების 83.7% შეადგინა.

2023 წელს, პირდაპირი უცხოური ინვესტიციების ყველაზე დიდი წილი – 386.3 მლნ აშშ დოლარი – ნიდერლანდებზე მოდიოდა, შემდეგ მოდის გაერთიანებული სამეფო – 364.3 მლნ აშშ დოლარით და აშშ – 182.2 მლნ აშშ დოლარით.

დანარჩენი ქვეყნების წილი პირდაპირ უცხოურ ინვესტიციებში ასე გამოიყურება: თურქეთი – 109.5 მლნ აშშ დოლარით; რუსეთი – 103.3 მლნ აშშ დოლარით; ჩინეთი – 98.4 მლნ აშშ დოლარით; მალტა – 97.4 მლნ აშშ დოლარით; აზერბაიჯანი – 90.3 მლნ აშშ დოლარით; იაპონია – 69.4 მლნ აშშ დოლარით; შვეიცარია – 41.9 მლნ აშშ დოლარით; დანარჩენი ქვეყნები – 359.2 მლნ აშშ დოლარით.

2023 წელს პირდაპირი უცხოური ინვესტიციების ყველაზე დიდი წილი 583.6 მლნ აშშ დოლარი საფინანსო და სადაზღვევო სექტორზე მოდიოდა. შემდეგ მოდიან: ვაჭრობა – 314.3 მლნ აშშ დოლარით; დამამუშავებელი მრეწველობა – 301.5 მლნ აშშ დოლარით; ტრანსპორტი – 165.4 მლნ აშშ დოლარით; ინფორმაცია და კომუნიკაცია – 119.6 მლნ აშშ დოლარით; უძრავი ქონება – 111.2 მლნ აშშ დოლარით; მშენებლობა – 85.9 მლნ აშშ დოლარით; პროფესიული და სამეცნიერო საქმიანობები – 50 მლნ აშშ დოლარით: ენერგეტიკის სექტორი – 44.3 მლნ აშშ დოლარით; გართობა და დასვენება – 35.2 მლნ აშშ დოლარით; სხვა სექტორები – 91.3 მლნ აშშ დოლარით.