საქართველო, 25 ივლისი, საქინფორმი. ევროკომისიამ გააფრთხილა სლოვაკეთი, რომ დაუყოვნებლივ დაიწყებს სამართლებრივ მოქმედებას, თუ მთავრობა გააგრძელებს არასამთავრობო ორგანიზაციების კანონის განხილვას. კანონი ავალდებულებს არასამთავრობო ორგანიზაციებს, რომლებიც იღებენ დაფინანსებას საზღვარგარეთიდან, დაასახელონ საკუთარი თავი, როგორც „ორგანიზაციები უცხოური მხარდაჭერით“.

ევროკომისიაში აცხადებენ, რომ ელოდებიან კანონის საბოლოო ვერსიას, რის შემდეგაც გააანალიზდება სამომავლო მოქმედების გზები და გადაწყვეტილება იქნება მიღებული.

„არსებობს შესაძლებლობა და ჩვენი მოვალეობა, დავიწყოთ სამართალდარღვევის პროცედურები, როდესაც დავინახავთ, რომ ეროვნული კანონები არ შეესაბამება ევროკავშირის კანონმდებლობას. ასე რომ, ჯერ ვნახოთ, იმსახურებს თუ არა, როგორც სამართალდარღვევის პროცედურის რეაქციას და მხოლოდ ამის შემდეგ მოგვიწევს ფინანსურ მდგომარეობაზე მოქმედება. ეს ძირითადად ეხება აღდგენის ფონდს და აღდგენის პროგრამას, რადგან სლოვაკეთის ეტაპები ძალიან მკაფიოდ არის ჩამოთვლილი. ჩვენ უნდა გავაანალიზოთ, ასრულებს თუ არა სლოვაკეთი ეტაპებს. ასე რომ, თანხების გაყინვის შესაძლებლობა, თეორიული შესაძლებლობა, არის ყველა წევრი სახელმწიფოს შემთხვევაში და თუ იქნება პირობები, რა თქმა უნდა, უნდა ვიმოქმედოთ. მაგრამ ჩვენ ჯერ იქ არ ვართ“, – განაცხადა ევროკომისიის ვიცე-პრეზიდენტმა, ვერა იუროვამ.

1tv.ge