აქტუალური
საქართველო, 12 ივლისი, საქინფორმი. სამოქალაქო უსაფრთხოების, დემოკრატიის და ადამიანის უფლებების საკითხებში აშშ-ის სახელმწიფო მდივნის მოადგილე უზრა ზეია საქართველოს სამოქალაქო საზოგადოების წევრებს შეხვდა. ამის შესახებ აშშ-ის სახელმწიფო დეპარტამენტის წარმომადგენელი სოციალურ ქსელში წერს.
„მადლობელი ვარ საქართველოს ადამიანის უფლებათა დამცველებთან და სამოქალაქო საზოგადოებასთან შეხვედრისთვის, რომლებიც გადამწყვეტ როლს თამაშობენ საქართველოს დემოკრატიული და ევროატლანტიკური გზის მხარდაჭერაში. აშშ ყველას მიმართ ადამიანის უფლებებისა და ფუნდამენტური თავისუფლებების პატივისცემის მოწოდებით გამოდის”, – წერს უზრა ზეია.