სამართალი
სამართალდამცველებმა სასაზღვრო პოლიციის სანაპირო დაცვის დეპარტამენტის სამი თანამშრომელი დააკავეს
საქართველოს შინაგან საქმეთა სამინისტროს გენერალური ინსპექციის თანამშრომლებმა სამსახურებრივი მდგომარეობის გამოყენებით მითვისების ჩადენის ფაქტზე სამინისტროს სასაზღვრო პოლიციის სანაპირო დაცვის დეპარტამენტის II რანგის კაპიტანი ზებარ ცინცაძე, მასტერ-მიჩმანი ტრისტან ჩანქსელიანი და საპატრულო კატარღა „ტორნადოს“ მეთაური, ლეიტენანტი ნუკრი მიქიაშვილი დააკავეს.
„საქართველოს სსკ-ის 182-ე მუხლის II ნაწილით გამოძიებას შინაგან საქმეთა სამინისტროს გენერალური ინსპექცია აწარმოებს. დაკავებული პოლიციელები აღიარებენ ჩადენილ დანაშაულს. აღნიშნული დანაშაულისათვის მოქმედი კანონმდებლობა თავისუფლების შვიდ წლამდე ვადით აღკვეთას ითვალისწინებს“, – აცხადებენ შსს-ში.
საქინფორმი
