საქართველო, 20 მაისი, საქინფორმი. თბილისში ჩასვლით გვსურდა გაგვეგო, როგორ უგულებელყოფს ევროკომისიასა და ევროკავშირის წევრ ქვეყნებს საქართველოს მთავრობა, რომელიც ყველგან ევროკავშირის დროშებს აფრიალებს, - ამის შესახებ გერმანიის პარლამენტის (ბუნდესტაგის) საგარეო საქმეთა კომიტეტის თავმჯდომარემ, მაიკლ როთმა გამოცემა Die Tageszeitung-თან ინტერვიუში განაცხადა.

„[საქართველოში ვიზიტით] გვსურდა გაგვეგო, როგორ მივიდა მთავრობა, რომელიც ყველგან ევროკავშირის დროშებს აფრიალებს, თვეების მანძილზე იმის უგულებელყოფამდე, რასაც ევროკომისია და ევროკავშირის წევრი ქვეყნები საქართველოს მთავრობას როგორც საშინაო დავალებას აძლევენ. რეკომენდაციები შესრულებული უნდა იყოს, სანამ გაწევრიანების შესახებ მოლაპარაკებები დაწყება. ერთი წინ გადადგმული ნაბიჯიც კი არ არის, მაგრამ ბევრი მნიშვნელოვან უკან გადადგმული ნაბიჯია. კანონები მზადდება, რომლებიც რუსეთის მაგვარი ავტორიტარული რეჟიმების მსგავსია. ამავდროულად, მთავრობა ამტკიცებს, თითქოს ევროკავშირისკენ უნდა სვლა. სიტყვები და ქმედებები უბრალოდ ერთმანეთს არ შეესაბამება. ტყუილის საშინელი კამპანიები იყო ჩემი და ჩემი კოლეგების წინააღმდეგ. შაბათს, ჩვენს ვიზიტამდე, გავრცელდა, ვითომ ოლიგარქისგან 50,000 აშშ დოლარს მივიღებდით თუ ოპოზიციას შევხვდებოდით და კიდევ 50,000 აშშ დოლარს თუ დემონსტრაციაში მივიღებდით მონაწილეობას… ჩემმა ლიეტუველმა კოლეგამ, რომელიც [ტყუილის] კამპანიების მსხვერპლი იყო წლების განმავლობაში, გამაფრთხილა ამის შესახებ… [საქართველოს] მთავრობა ამტკიცებს, რომ რუსეთი საქართველოს მტერია და 2008 წლიდან საქართველოს ტერიტორიის 20% ოკუპირებულია. ეს სიმართლეა! მაგრამ რაც ახლა საქართველოში ხდება, ადგილობრივი მოსახლეობის მიერ რუსიფიკაციად აღიქმება. ეს კანონები და კამპანიები რუსეთში არსებობს. მაგრამ ისინი ნამდვილად არ გვსურს ქვეყნებში, რომლებსაც ევროკავშირში შესვლა სურთ. საკუთარი ძალაუფლების შესანარჩუნებლად ისინი მზად არიან რუსული რეპრესიული მექანიზმები შემოიტანონ… სიცხადე ერთადერთი ენაა, რომელიც იმ ძალებს ესმის, რომლებსაც საკუთარი ქვეყნების ავტორიტარულ სახელმწიფოებად ტრანსფორმაცია სურთ. არასწორი იქნება შეკავებასა და ჩუმ დიპლომატიას დავეყრდნოთ, და რეალიზებადი კომპრომისის იმედი გვქონდეს. წლების განმავლობაში ვცდილობდით ამას - და მარცხი განვიცადეთ… იმედია [გაწევრიანების შესახებ] მოლაპარაკებები უკრაინასთან და მოლდოვასთან ზაფხულში დაიწყება, მაგრამ საქართველოსთან არა. საქართველო დიდხანს იყოს სამაგალითო მოსწავლე, როდესაც საქმე ევროკავშირთან დაახლოებას ეხებოდა. ჩვენ არ ვაჯახუნებთ კარს, არამედ საქართველოს მთავრობა. მაგრამ ის შეიძლება ძალიან სწრაფად კვლავ გაიღოს თუ საქართველოს კანონები, რომლებიც ევროპულ ღირებულებებსა და პრინციპებს არ შეესაბამება, გაწვეული იქნება”, - განაცხადა როთმა.