აქტუალური
ექსპერტი: „აშშ რაკეტსაწინააღმდეგო სისტემას საქართველოში განათავსებს“
„მოლაპარაკებები რეგიონში აშშ-ის რაკეტსაწინააღმდეგო სისტემის განთავსებასთან დაკავშირებით დიდი ხანია, მიმდინარეობს“, – განაცხადააზერბაიჯანელმა ექსპერტმა უზეირ ჯაფაროვმა და აღნიშნა, რომ ბარაკ ობამას ადმინისტრაციაში ჯერ კიდევ არ არის მიღებული გადაწყვეტილება, სამხრეთ კავკასიის რომელ ქვეყანაში უნდა განთავსდეს რაკეტსაწინააღმდეგო სისტემა. სამხედრო ექსპერტის განცხადებით, აშშ-ში დღეისათვის ამ საკითხზე გაძლიერებულად მუშაობენ.
„მიმაჩნია, რომ, სავარაუდოდ, ეს სამხედრო რადარი საქართველოში იქნება დამონტაჟებული, რადგან აზერბაიჯანის პოლიტიკური ხალმძღვანელობა არ გარისკავს. არსებობს რუსული ფაქტორი, ირანული ფაქტორი, რომლებსაც ეს ფაქტი არ მოეწონებათ. ყველაფერთან ერთად საქართველო თავად არის დაინტერესებული, რომ ამერიკული სისტემა მის ტერიტორიაზე იყოს, ვინაიდან ეს იქნება ერთგვარი „ქოლგა“ საქართველოსათვის გარე საფრთხეებისა და საშიშროებებისგან დასაცავად“, – აცხადებს ექსპერტი.
