სამართალი
ასლან ბჟანია: დღეისთვის რუსეთი ჩვენი ერთადერთი ფანჯარაა მსოფლიოში
საქართველო, 13 მარტი, საქინფორმი. დღეისთვის რუსეთი ჩვენთვის ერთადერთი ფანჯარაა მსოფლიოში. ამის შესახებ აფხაზეთის ე.წ. “პრეზიდენტმა” ასლან ბჟანიამ განაცხადა.
მისი თქმით, „აფხაზეთს ჰყავს მეგობრები“.
“ოკეანეში ჩაკარგული კუნძული არ ვართ, რომელიც ბუნების სტიქიურ ძალებთან ერთი-ერთზეა დარჩენილი. დამოუკიდებელ აფხაზეთს ჰყავს მეგობრები, თუნდაც ისინი არც ისე დიდი რაოდენობით არიან, ჰყავს მეზობლები და მოკავშირეები, და მათ შორის არის ქვეყანა, რომელიც ერთდროულად ჩვენი საუკეთესო მეგობარია, საუკეთესო მეზობელია, ხოლო დღეისთვის ჩვენი ერთადერთი ფანჯარაცაა მსოფლიოში. ეს რუსეთის ფედერაციაა, რომელმაც პირველმა აღიარა ჩვენი თვითგამორკვევის უფლება, საკუთარ სახლში ცხოვრების და საკუთარ ენაზე საუბრის, საკუთარი კულტურისა და ეკონომიკის განვითარების უფლება”, - განაცხადა ბჟანიამ.
