საქართველო, 8 მარტი, საქინფორმი. სომხეთის ხელისუფლებამ გადაწყვიტა შეწყვიტოს რუსი მესაზღვრეების მისია დედაქალაქ ერევნის ზვართნოცის საერთაშორისო აეროპორტში.

სომხეთის ოფიციალური საინფორმაციო სააგენტო „არმენპრესი“-ს ცნობით, ეროვნული უშიშროების საბჭოს მდივანმა არმენ გრიგორიანმა ეროვნულ ასამბლეაში გამართული შეხვედრის შემდეგ პრესისთვის განცხადება გააკეთა.

გრიგორიანის განცხადებით, სომხეთის ხელისუფლებამ გადაწყვიტა, რომ ამ აეროპორტში ყველა მომსახურებას მთლიანად სომხები განახორციელებენ და თქვა: „სომხეთს მკაფიო დამოკიდებულება აქვს ამ საკითხთან დაკავშირებით და ეს მკაფიო პოზიცია რუსეთის ფედერაციას ოფიციალურად ეცნობა. სომხეთის პოზიციაა, რომ ზვართნოცის საერთაშორისო აეროპორტში მომსახურება უნდა განახორციელოს სომხეთის მესაზღვრეებმა“.

ეროვნული ასამბლეის სპიკერმა ალენ სიმონიანმა 27 თებერვალს განაცხადა, რომ მართებული იქნებოდა რუსი მესაზღვრეების გაყვანა ზვართნოცის აეროპორტიდან.

რუსეთის პრეზიდენტის სასახლის კრემლის პრესსპიკერმა, დიმიტრი პესკოვმა თქვა, რომ სომხეთის მთავრობის ამ გადაწყვეტილების შესახებ ინფორმაცია მათ ჯერ არ მიუღიათ.