სრულიად საქართველოს კათოლიკოს-პატრიარქს, უწმიდესსა და უნეტარესს ეშმაკებთან ბრძოლის ღონე რომ მოსდევდეს, დღეს ქართული მართლმადიდებელი ეკლესიის საპატრიარქო ნაცისტების წინაშე კაპიტულაციას არ გამოაცხადებდა...

   წელიც არ გასულა მას შემდეგ, რაც „ქართული ოცნების“ ხელისუფლებამ კაპიტულაცია გამოაცხადა გაუგებარი გენდერის ნაცისტ გრიგორიადის წინაშე და უკან გაიწვია პარლამენტის მიერ პირველივე მოსმენით მიღებული კანონი უცხოეთის აგენტების რეგისტრაციის შესახებ.

და აი, კუდიანი ფერაძის წინაშე, რომელმაც სამების ტაძარში წმინდა მატრონა მოსკოველის ხატს საღებავი შეასხა, კაპიტულაცია გამოაცხადა უკვე საეკლესიო ხელისუფლებამ. ქართული მართლმადიდებელი ეკლესიის საპატრიარქომ შემომწირველებს დაავალა „ხატის შესწორება“(?!) - იქიდან სტალინის გამოსახულებიანი ფრაგმენტის წაშლა, თორემ, აქაოდა, საპატრიარქო თავად „გაასწორებს ხატსო“ (?!).

შეკითხვა: რატომ ზის დღეს ციხეში გრიგორიადისი, ფერაძე კი სახლში, ასობით პოლიციელის საიმედო დაცვის ქვეშ, რომლებსაც გრიგორიადისმა გასული წლის მარტში ცეცხლი წაუკიდა?! ნუთუ რუსთაველის გამზირზე „მოლოტოვის კოქტეილი“ უფრო დიდი ცოდვაა, ვიდრე საქართველოს მთავარ საკათედრო ტაძარში ხატზე საღებავი?! რატომ დაივიწყა საპატრიარქომ, რომ ნებისმიერი ხატი ხელშეუხებელი სიწმინდეა, და რა სასჯელი მიეწიათ ბოლშევიკებს, რომლებმაც ხატები შეურაცხყვეს?!

ნეტარმა მატრონამ უთხრა სტალინს: „რუსი ხალხი გაიმარჯვებს, გამარჯვება შენ დაგრჩება. ხელმძღვანელობიდან მოსკოვს მხოლოდ შენ არ დატოვებ!“. და არ აქვს მნიშვნელობა რუსეთის მართლმადიდებელი ეკლესიის საპატრიარქო აღიარებს წმინდა მატრონასთან სტალინის სტუმრობის ეპიზოდს, თუ ეს ლეგენდაა! არა უმეტესი, ვიდრე ლეგენდა ასი ათასი ქართველი მოწამის შესახებ, რომლებსაც თავები მოჰკვეთეს ხორეზმის სულთან ჯალალ-ედ-დინის მიერ მეტეხის ხიდზე დაწყობილი ხატების ფეხქვეშ გათელვაზე უარის თქმის გამო. რატომ დაავიწყდა რუსეთის მართლმადიდებელ ეკლესიას სსრკ მინისტრთა საბჭოსთან არსებული რელიგიის საკითხთა საბჭოდან დიდი რუსი შოვინისტების ბრძანების გაუქმება, რომლებმაც შეურაცხყოფა მიაყენეს ეროვნებით ქართველი უმაღლესი მთავარსარდლის დამსახურებას რუსეთისა და მსოფლიოს წინაშე?!

ყველა უბედურების მიზეზი, რაც რუსეთს ხრუსჩოვის შემდეგ დაატყდა თავს, არის სტალინის ხსოვნის შეურაცხყოფა - სწორედ ისე როგორც დღეს სურთ ხატის გადაწერა სტალინის ფიგურის ამოღებით, მაშინ ისტორია, ბელადის როლის ამოღებით გადაწერეს!

   ნაციზმის რეინკარნაცია ევროპასა და უკრაინაში სტალინის მიმართ სამარცხვინო დამოკიდებულების შედეგია რუსეთსა და საქართველოში უცხოელი აგენტების მხრიდან, რომლებისაც ხელისუფლებასა და ეკლესიას ეშინიათ. მათ ეშინიათ სამშობლოს მოღალატეებისა, რომლებმაც გორში სტალინის ქანდაკება ჩამოაგდეს, და იმ „სტალინისტების“, რომელთაც მათი შეჩერების შეეშინდათ! თორემ რა უშლის ხელს სტალინის სახელის ოფიციალურად რეაბილიტაციას, როგორც ეს უბრალო რუსებმა და ქართველებმა დიდი ხნის წინ გადაწყვიტეს?! საქართველოს ხელისუფლებას და ქართულ მართლმადიდებელ ეკლესიას ეშინიათ ვაშინგტონიდან, ბრიუსელსა და ლონდონიდან ამ ნაძირალების უფროსების, რომლებიც შეურაცხყოფენ სტალინის წინაშე ქედმოხრილი რუზველტის, დე გოლისა და ჩერჩილის ხსოვნას და შეურაცხყოფენ ყველა ხალხის ჯარისკაცთა ხსოვნას, რომლებმაც ჰიტლერის ნაცისტები დაამარცხეს!

არნო ხიდირბეგიშვილი,
ქართული საინფორმაციო-ანალიტიკური სააგენტო „საქინფორმი“-ს გენერალური დირექტორი და მთავარი რედაქტორი,
სახელმწიფო უშიშროების, სტრატეგიული ანალიზისა და საინფორმაციო პოლიტიკის სააგენტოს დირექტორი.

2024 წლის 11 იანვარი
საქართველო, თბილისი