საქართველო, 10 ნოემბერი, საქინფორმი. „ევროკომისიის რეკომენდაცია საქართველოს ევროკავშირის კანდიდატი ქვეყნის სტატუსის მინიჭების თაობაზე, რიგი პირობების შესრულების გათვალისწინებით, სიცრუეა. ასეთ დაპირებებს იძლევიან, რათა თბილისი შეუერთდეს ანტირუსულ სანქციებს და მოსკოვის წინააღმდეგ მიმართულ ნებისმიერ სხვა ქმედებებს!“, - განაცხადა „აბზაცთან“ საუბარში ქართველმა პოლიტოლოგმა, გლობალიზაციის პრობლემების კვლევის ცენტრის ხელმძღვანელმა ალექსანდრე ჭაჭიამ.

„არცერთ შემთხვევაში საქართველოს არ მიიღებენ ევროკავშირში უახლოეს მომავალში. დაპირდებიან და მოითხოვენ გარკვეული პირობების შესრულებას. ევროკავშირს არ მიაჩნია, რომ რესპუბლიკა თუნდაც გეოგრაფიულად ევროპის ნაწილია. ევროჩინოვნიკები ატყუებენ თბილისს, საქართველოს ხელისუფლება კი ხალხს აბრიყვებს“, - აღნიშნა მან.

პოლიტოლოგის თქმით, ევროკავშირი საქართველოსა და სხვა ქვეყნებისთვის დაპირებების მიცემის სანაცვლოდ, მთელი რიგი პირობების შესრულებას მოითხოვს. მაგალითად, ანტირუსულ სანქციებთან შეერთებას. ამასთან, ყოველთვის შეუძლია შარად მოსდოს ​​ქვეყანაში ადამიანის უფლებების დაუცველობა ან სხვა რამ, რათა თქვას, რომ კანდიდატი არ არის მზად ევროკავშირში გასაწევრებლად. „საქართველოს ან სომხეთის ევროკავშირში მიღება იქნება შეფურთხება თურქეთისთვის, რომელიც ამას ევროპას არასოდეს აპატიებს. ვფიქრობ, საქართველოს ხელისუფლებაში გონიერ ადამიანებს ესმით, რომ მათ ატყუებენ. მხოლოდ შეზღუდულ ქალს - საქართველოს პრეზიდენტ სალომე ზურაბიშვილს, რომელსაც რუსოფობია გონებას უბინდავს! - შეუძლია დაიჯეროს, რომ მათ სურთ რესპუბლიკა ევროკავშირის წევრად აქციონ“, - დასძინა ჭაჭიამ.