უცხოეთი
დენის შმიგალი - საბრძოლო მასალის დიდი დეფიციტია არა მხოლოდ უკრაინაში, არამედ მთელ მსოფლიოში - საწყობები ცარიელია
საქართველო, 25 ოქტომბერი, საქინფორმი. უკრაინასა და მსოფლიოში საბრძოლო მასალების დიდი დეფიციტია, ამიტომ აუცილებელია ქვეყანაში წარმოების პროცესის მოწყობა, - ამის შესახებ უკრაინის პრემიერმა, დენის შმიგალმა განაცხადა.
„გვაქვს საბრძოლო მასალის დიდი დეფიციტი არა მხოლოდ უკრაინაში, არამედ მთელ მსოფლიოში. გვესმის, რომ ჩვენ უნდა ვაწარმოოთ ისინი აქ, უკრაინაში, რადგან მათი მარაგი მთელ მსოფლიოში ამოწურულია. ყველა საწყობი ცარიელია“, - აღნიშნა შმიგალმა.
მისი თქმით, ძირითადი კომპონენტებისა და ნედლეულის გლობალური დეფიციტის გათვალისწინებით, ჭურვების, საარტილერიო და საჰაერო თავდაცვის სისტემების შესყიდვის ინდუსტრიის განვითარება ბევრად უფრო რთული ამოცანაა, ვიდრე დრონების.
interpressnews.ge
