აქტუალური
კოპიტნარის აეროპორტი აღარ გაიყიდება
ეკონომიკისა და მდგრადი განვითარების მინისტრ ვერა ქობალიას განცხადებით, მას შემდეგ, რაც სახელმწიფომ აეროპორტზე ინტერესთა მიღება გამოაცხადა, კოპიტნარის აეროპორტით ბევრი ავიაკომპანია დაინტერესდა. ამ ფონზე მთავრობამ მიიღო გადაწყვეტილება – ობიექტი აღარ გაასხვისოს და მისი რეაბილიტაციის შემდეგ ის ყველა საერთაშორისო ავიაგადამზიდავმა გამოიყენოს.
არადა, კოპიტნარის აეროპორტის პრივატიზაციას მთავრობა წლების განმავლობაში ცდილობდა. აეროპორტის აქტივების გასხვისება სიმბოლურ ფასადაც (1 ლარად) იგეგმებოდა. ინვესტორის არარსებობის გამო კი მისი გაყიდვა ვერაფრით მოხერხდა. აქედან გამომდინარე, საეჭვოა მიზეზი, რის გამოც ხელისუფლებამ აეროპორტის გასხვისება გადაიფიქრა.
საქინფორმი
