საზოგადოება
ილჰამ ალიევი: ძვირფასო პრემიერ-მინისტრო, ვიზიარებ თქვენს ტკივილს შოვში მომხდარ ტრაგედიასთან დაკავშირებით, ღრმა მწუხარებას გამოვთქვამთ მსხვერპლთა ოჯახების მიმართ
საქართველო, 7 აგვისტო, საქინფორმი. აზერბაიჯანის პრეზიდენტი ილჰამ ალიევი საქართველოს პრემიერ-მინისტრს შოვში სტიქიის გამო სამძიმარს უცხადებს.
„ძვირფასო პრემიერ-მინისტრო, უკიდურესად ვწუხვართ შოვის საკურორტო ზონაში ძლიერი მეწყერის შედეგად ფართომასშტაბიანი ნგრევისა და მსხვერპლის შესახებ ინფორმაციის გამო.
ვიზიარებ თქვენს ტკივილს ამ ტრაგედიასთან დაკავშირებით, გამოვთქვამთ ღრმა მწუხარებას თქვენი, მსხვერპლების ოჯახებისა და ახლობლების, საქართველოს მეგობრული ხალხის მიმართ, ჩემი და აზერბაჯანელი ხალხის სახელით. დაშავებულებს ვუსურვებ გამოჯანმრთელებას და ვისურვებ, რომ სტიქიის მიერ გამოწვეული შედეგები მალე აღმოიფხვრას“, – ნათქვამია ილჰამ ალიევის სამძიმრის წერილში.
