უცხოეთი
ვლადიმერ პუტინი - რუსეთს აქვს კასეტური ბომბების საკმარისი მარაგი და საჭიროების შემთხვევაში გამოიყენებს
საქართველო, 17 ივლისი, საქინფორმი. რუსეთს აქვს კასეტური ბომბების საკმარისი მარაგი და საჭიროების შემთხვევაში გამოიყენებს, – ამის შესახებ რუსეთის პრეზიდენტმა, ვლადიმერ პუტინმა განაცხადა.
პუტინმა აღნიშნა, რომ მოსკოვი უფლებას იტოვებს, გამოიყენოს კასეტური ბომბები, თუ ასეთ საბრძოლო მასალებს გამოიყენებენ უკრაინაში რუსული ძალების წინააღმდეგ.
„რა თქმა უნდა, თუ ისინი ჩვენ წინააღმდეგ გამოიყენებენ კასეტურ იარაღს, ჩვენ ვიტოვებთ უფლებას, მივიღოთ საპასუხო ზომები“, – თქვა პუტინმა.
უკრაინამ მიიღო კასეტური ბომბები აშშ-ისგან, თუმცა კიევმა პირობა დადო, იარაღს მხოლოდ მტრის ჯარისკაცების კონცენტრაციის ადგილებში გამოიყენებს.
შეგახსენებთ, კასეტური საბრძოლო მასალების გამოყენება აკრძალულია მსოფლიოს 100-ზე მეტ ქვეყანაში.
1tv.ge
