უცხოეთი
ვიქტორ ორბანი - ევროკავშირს თუ არ შეუძლია, შეასრულოს თავისი ორი თავდაპირველი მისია - მშვიდობა და კეთილდღეობა, მაშინ რა აზრი აქვს მის არსებობას?
საქართველო, 15 მაისი, საქინფორმი. ევროკავშირს თუ არ შეუძლია, შეასრულოს თავისი ორი თავდაპირველი მისია – მშვიდობა და კეთილდღეობა, მაშინ რა აზრი აქვს მის არსებობას? – ამის შესახებ უნგრეთის პრემიერ-მინისტრმა, ვიქტორ ორბანმა ქალაქ ვესპრემში განაცხადა.
როგორც ორბანმა აღნიშნა, ევროკავშირმა უნდა გააუქმოს რუსეთისთვის დაკისრებული სანქციები.
მისი თქმით, რუსეთის სანქციებმა გამოიწვია რეცესიის გაღრმავება უნგრეთში.
„ევროპული თანამშრომლობის თანამედროვე ფორმას ორი მისია ამოძრავებდა: მშვიდობა და კეთილდღეობა. თუ მას არ შეუძლია, შეასრულოს თავისი ორი თავდაპირველი მისია, მაშინ რა აზრი აქვს ევროკავშირის არსებობას?“ -განაცხადა ორბანმა.
უნგრეთის პრემიერმა მოუწოდა ევროკავშირს, განიხილოს უკრაინისთვის დახმარების შეწყვეტა, როგორც ომის დასრულების გზა.
1tv.ge
