საზოგადოება
2022 წელს საგარეო ვაჭრობა 32.8%-ით გაიზარდა
საქართველო, 16 იანვარი, საქინფორმი. საქართველოს სტატისტიკის ეროვნული სამსახურის მიერ 13 იანვარს გამოქვეყნებული ექსპრესმონაცემებით 2022 წელს, წინა წელთან შედარებით, საქართველოს საგარეო ვაჭრობა 32.8%-ით გაიზარდა და 19.04 მლრდ აშშ დოლარი შეადგინა.
გასულ წელს, 31.8%-ით – 5.59 მლრდ აშშ დოლარამდე გაიზარდა ექსპორტი, 33.2%-ით – 13.45 მლრდ აშშ დოლარამდე კი – იმპორტი. უარყოფითი სავაჭრო ბალანსი 7.85 მლრდ აშშ დოლარი იყო, რაც საგარეო სავაჭრო ბრუნვის 41.3%-ია.
