საქართველო, 29 ივნისი, საქინფორმი. მადრიდში ნატოს სამიტის წინა დღეს „როსკოსმოსმა“ გამოაქვეყნა დასავლეთის გადაწყვეტილების მიმღები ცენტრების სურათები და კოორდინატები კოსმოსიდან, „რესურს-P“ თანამგზავრის მიერ გადაღებული ფოტოები სახელმწიფო კორპორაციის Telegram არხზ ეგამოქვეყნდა.

„სანამ ალიანსის 30 ქვეყნის წარმომადგენლები, ასევე პარტნიორები და კანდიდატები 2030 წლამდე სტრატეგიულ კონცეფციაზე მუშაობენ, „როსკოსმოსი“ აქვეყნებს სამიტის ჩატარების ადგილისა და სწორედ იმ „გადაწყვეტილების ცენტრების“ თანამგზავრულ ფოტოებს, რომლებიც მხარს უჭერენ უკრაინელ ნაციონალისტებს. ამასთან, ვიძლევით ობიექტების კოორდინატებს. ისე, ყოველი შემთხვევისთვის”, - ნათქვამია რუსეთის სახელმწიფო კორპორაციის ცნობაში (იხ. ფოტო)

ფოტოებზე აღბეჭდილია თეთრი სახლი და პენტაგონი ვაშინგტონში, კონგრეს-ცენტრი IFEMA მადრიდში, სადაც სამიტი გაიმართება, დიდი ბრიტანეთის თავდაცვის სამინისტრო, რაიხსტაგი და ფედერალური კანცლერის უწყება ბერლინში, ასევე ელისეის მინდვრები და მინდვრები და ელისეის სასახლე პარიზში.

საქინფორმი