უცხოეთი
მედიის ინფორმაციით, რუსეთმა სამშვიდობო ძალების ყაზახეთში შეყვანა დაიწყო
საქართველო, 7 იანვარი, საქინფორმი. რუსეთმა სამშვიდობო ძალების ყაზახეთში შეყვანა დაიწყო, - ინფორმაციას რუსული მედია კოლექტიური უსაფრთხოების ხელშეკრულების ორგანიზაციაზე დაყრდნობით ავრცელებს.
„ამ დროისათვის სამშვიდობო კონტინგენტის რუსული ნაწილის გადაყვანა ყაზახეთის რესპუბლიკის ტერიტორიაზე რუსეთის საჰაერო კოსმოსური ძალების სამხედრო-სატრანსპორტო ავიაციის თვითმფრინავებით ხდება. სამხედრო ნაწილებმა უკვე დაიწყეს დაკისრებული ამოცანების შესრულება", - წერია კოლექტიური უსაფრთხოების ხელშეკრულების ორგანიზაციის განცხადებაში.
აღსანიშნავია, რომ სამშვიდობო ძალების კონტინგენტში რუსეთის, სომხეთის, ბელარუსის, ტაჯიკეთისა და ყირგიზეთის სამხედროები შედიან.
interpressnews.ge
