სამართალი
სუს-ი - საოკუპაციო რეჟიმის წარმომადგენლებმა გუგუტიანთკარის მიმდებარედ ამავე სოფლის მკვიდრი დააკავეს
საქართველო, 4 თებერვალი, საქინფორმი. სახელმწიფო უსაფრთხოების სამსახურმა, საოკუპაციო რეჟიმის წარმომადგენლების მიერ, გორის მუნიციპალიტეტის სოფელ გუგუტიანთკარის მიმდებარე ოკუპირებულ ტერიტორიაზე, ამავე სოფლის მკვიდრის დაკავებასთან დაკავშირებით ცხელი ხაზი გააქტიურა. ამის შესახებ ინფორმაციას სუს-ი ავრცელებს.
"მიმდინარე წლის 2 თებერვალს, საოკუპაციო რეჟიმის წარმომადგენლებმა გორის მუნიციპალიტეტის სოფელ გუგუტიანთკარის მიმდებარე ოკუპირებულ ტერიტორიაზე, უკანონოდ დააკავეს ამავე სოფლის მკვიდრი. საოკუპაციო ძალების მიერ უკანონო დაკავების ფაქტთან დაკავშირებით, გააქტიურდა ცხელი ხაზი. მომხდარის შესახებ ეცნობა ევროკავშირის სადამკვირვებლო მისიას. ასევე, მოხდა საერთაშორისო პარტნიორების ინფორმირება. უკანონო დაკავებები მნიშვნელოვნად აუარესებს საოკუპაციო ხაზს გასწვრივ, ასევე ოკუპირებულ ტერიტორიებზე არსებულ უსაფრთხოების გარემოს და ართულებს ადგილობრივი მოსახლეობის ყოველდღიურობას. არსებული მექანიზმების გამოყენებით მიმდინარეობს აქტიური მუშაობა უკანონოდ დაკავებული პირის დაუყოვნებლივ გათავისუფლების მიმართლებით",- ნათქვამია ინფორმაციაში.
