საზოგადოება
აფხაზეთში კორონავირუსის 141 ახალი შემთხვევა გამოვლინდა

 საქართველო, 14 იანვარი, საქინფორმი. აფხაზეთის ე.წ. ჯანდაცვის სამინისტროს ინფორმაციით, გასული დღე-ღამის განმავლობაში კორონავირუსზე ტესტირება ჩაუტარდა 522 ადამიანს, 141 მათგანს კორონავირუსი დაუდასტურდა.

ადგილობრივი მედიის ცნობით, აფხაზეთის ექვს კოვიდცენტრში 257 პაციენტი აგრძელებს მკურნალობას, მათგან 31-ის მდგომარეობა მძიმეა.

მედიის ინფორმაციით, სოხუმში არსებულ რუსეთის სამხედრო მობილურ ჰოსპიტალში გარდაიცვალა ერთი კოვიდინფიცირებული პაციენტი, 70 წლის ქალი. სულ კორონავირუსით აფხაზეთში გარდაიცვალა 143 ადამიანი, გამოჯანმრთელდა 7 808 პაციენტი. პანდემიის პერიოდში ოკუპირებულ აფხაზეთში კორონავირუსით ინფიცირების 10 102 შემთხვევაა დაფიქსირებული.